ياللـــي بعـــادك طــــــال
طفـّيِت شموعي ليه
ياللي بعادك
طــــال
خليت دموعي ليه
نازله معاها أنين
كان الغرام بيننا
قال اننا
عاشقين
بنقوله بعيوننا
من غير كلام ينقال
راح اللي بيننا فين
من بعد حب
سنين
والصبر اجيبه منين
يصبر ويستنى
ياللي بعادك طال
ـــــــــــــــــــــــ
مقدرش يوم انساك
عايش أهيم في
هواك
تسقيني كاس المر
وابكي على ذكراك
تظلِمني ليه بالهجر
مين اللي كان أسَّاك
لو كنت الاقي الصبر
هصبر وهستناك
راح اللي بيننا فين
من بعد حب سنين
والصبر اجيبه منين
يصبر ويستنىَ
ياللي بعادك طال
ـــــــــــــــــــــــ
باسهر أناجي الليل
وابكي على حالي
ألقى القمر بيمِيل
من فوق يشوف مالي
والنجمه زعلانه
عماله بتلالي
بتقوللي دمع العين
لازم يكون غالي
بس الحبيب راح فين
من بعد حب سنين
والصبر اجيبه منين
يصبر ويستنى
ياللي بعادك طال
ـــــــــــــــــــــــــ
يا طير مسافر بعيد
إسأل على طيري
وان شفته عايش سعيد
لايف على غيري
خد من دموع عيني
وابكي بدالي هناك
يمكن تكون عيني
مش قادره تستناك
وابعت لي مرسالك
علشان يشوف حالي
والصبر اجيبه ليه
أصبر ويتهنى
علشان بعاده طال
*********
موضوع: ياللي بعادك طال ( كلمات أغنية ) 
الخميس يوليو 02, 2009 5:24 pm