يا بلـــــــــدنا

يا
بلــــــــدنا





يابلدنا
.. يا بلدنا


إمتىَ
تاخدي بإيد ولادنا


إمتى
نفـْرَح يوم بعيدنا


إمتى
نِتـْبَاهَىَ بوجودنا


وبْعَلـَم
فوق في العلالي


وبفنار
قايد قـُصادنا


إمتى
يبقىَ تاريخ جدودنا


في
العقول محفوظ وغالي


ــــــــــــــــــ


يا
بلدنا .. يا بلدنا


سايبه
ليه شوية دِيابــَه


ينهشوا
ف لحم الغلابه


سايبه
ليه الدنيا غابه


للي
يسرق حق غيرُه


واللي
مات جواه ضميرُه


واللي
بات الليل يلالي


جُوُعُه
مفروش فوق سريرُه


واللي
تاه وسط الليالي


يشكي
حالـُه ع الربابه


ــــــــــــــــــ


يا
بلدنا .. يا بلدنا


في
سبيل حُبِّك بنِفـْنـىَ


دمِّنـا
معجون في رملِك


فوق
ترابك طال سجودنا


ياما
حرْب فوقيكي خـُضـْنا


مااحنا
مِنـِّك واحنا أهلِك


جـِبْتِي
ابويا وجـِبتِي جـِدِّي


والنهاردة
كمان عيالي


كنتي
في الماضي بتِدِّي


وف
رحابك تِحـْمِي نسْلِك


ليه
يا بلدي اليوم بتاخدي


وتدوسينا
تحت نعلِك


ــــــــــــــــــ


يا
بلدنا الدنيا ضاقِت


والولاد
بقيِّت كتير


والبلاد
حواليكي فاقِت


واحنا
لسه بنستجير


قومي
ياللا وشِدي حِيلِك


مِدي
إيدك ويَّا إيدْنا


وافتحي
حُضنِك نجيلِك


واحضني بالشوق ولادنا


كمـِّلي
نهارك بليلِك


كللي
بالخير جهودنا


ــــــــــــــــــ


يا
بلدنا .. يا بلدنا


إسجنِي
الخـُفـَّاش في عِشـُّه


واطردي
بومِة فشلنا


واكشِفِي
للنِمْس وشـُّه


واقطـَعِي
إيد مين نـَشـَلنا


وابعِدي
الفقر اللي جالِك


خـَللىَ
كل احوالنا سَاءِت


وبعزيمتِك
وبنضالِك


نلقى
كل احوالنا راقت


ـــــــــــــــــ


يا
بلدنا يا بلدنا


رجـَّعِي
أمجاد جدودنا


طهـَّري
م الظلم أرضِك


لو
لقيتي دياب تقودنا


ينهبوا
ف طولِك وعرضِك


إمسحيهم
من وجودنا


واظهري
للكون عظمتِك


بيِّني
للناس كرامتِك


وارعِي
مستقبل ولادي


إرفعي
كل الأيادي


تشتغل
ومن الليلادي


طلـَّعِي
فوق كل مدنه


صوت
أمين يدَّن .. ينادي


يا
بلادي .. يا بلادي


***********