مسعدالنحلة عضو فعال
عدد الرسائل : 129 نقاط : 137 السٌّمعَة : 0 تاريخ التسجيل : 25/01/2009
| موضوع: نرجع نتوه مع لامريكان ( زجل ) الإثنين يونيو 22, 2009 9:22 am | |
|
نرجع نتوُه مع لامريكان
إبداعنا ماتشين م التـُقـَال ...... فكـَّرنا بالمجْد اللي كان
كان الأداء آخر جمال ......... السامبا تاه قبل الرومان
معرفش ليه يابن الحلال .... نرجع نتوه مع لامريكان
عاده وأغرب م الخيال ..... مزروعه فينا ومن زمان
ـــــــــــــــــ
قلنا خلاص لعِّيبنا فاق ..... والروح ورجعِت للفريق
قلنا بقى حريف وداق .......... النصر وبحق وحقيق
قلنا يا ناس عاد البَهاء .... لفريقنا بعد ما كان غريق
لكن اللي شفناه كان خِناق .. ولا حد منهم كان بريء
ـــــــــــــــــ
لوغاريتم مالهوش أي حل ...... لعِّيبنا أصبح مُشكِله
أصبح حقيقي شيء يعِّـل ....... خللا دماغنا مبـَلبـِله
ساعه يكون حريف وفل ....... يرجــــع ويبقى بالبلا
معرفش ليه دايمًا يشـِّـل ...... لما يسُوق في القـَنـْدَله
ـــــــــــــــــ
خايفين نصرَّح أو نقول ........ بُكره نرُوح المونديال
ونأكد الفوز والوصول ... أحسن يكون شيء م الخيال
علشان أنا اللعيبه دوول ... يوم ناس كبيره ويوم عيال
لعيبه زي ام الخلول .......... في الجَد تِلـْبَد في الرمال
ـــــــــــــــ
| |
|