الحُــــب
ليه العواطف تِسعِد الأحبـــــــــــــــاب
ياللي انتو قلتو ع الهوى غـــــــــــلاب
دا الحُب كلمه وكلها معنــَــــــــــــــىَ
يفهمها عاشِق هام ف حُبُــــــــه وداب
ــــــــــــــــــــــ
دا الحُب نِسمه في ربيع الكــــــــــون
تِوْصِل شعور مهما المسافه تكــــــون
لو فيه جراح يبقىَ اللي جرَّحـــــــــنا
هوَّ اللي أصلا ًفي الهوىَ مجنـــــون
ــــــــــــــــــــــ
الحب غنيوه لكل النــــــــــــــــــاس
غناها عاشِق كان ملان إحســــــاس
أسعد قلوبنا وصوته فـــــرَّحنـــــــا
وسقانا من شهد المعاني كــــــــاس
ـــــــــــــــــــــ
الحب همسه نازله م الجَنــــــــــــه
عارفه الطريق وصلِت لوجداننــــا
كان سرِّنا مدفون وبيه بُحْنــَــــــــا
خلـِّتنا إحنا نِبقىَ موش إحنـــــــــا
ــــــــــــــــــــــــ
الحب شمعه في فانوس بنـُّــــــــور
تِملا حياتنا بالهنـَـــــا والنـــُــــــور
وتزيل ظلام ساكِن في أرواحنـــــا
وتخضـَّر النفس اللي كانت بــُــــور
ــــــــــــــــــــــ
ربك وخالِق كل شيء للحُــــــــــب
تلقىَ المحَّــبه ليه بتملا القــــــــلب
تشتاق إليه ساعة السجود روحنا
ويا بخت مِن يقبل وصاله الــــرب
ــــــــــــــــــــــ